Carrick express
كنت تعرف إن ؟!
ببعض الدول عقدة كاريك(Carrick) بسمّوا كمان عقدة الصداقة!
بالكشافة، أكيد موجودة عقدة كاريك(Carrick) ( عن حقيقة) ومش عقدة مسطحة (Plat) متل ما بقول الإستاذ فوكون (Faucon) ...
ليش؟ بكل بساطة، لأنو بعالم الكشفية، الإنسان الأزغر بيقدر ينطر مساعدة الأكبر منّو، والعكس صحيح... بالحقيقة، عقدة كاريك من أنسب العقد لربط حبلين مش من نفس ولا من نفس القياس...
تذكّر أن الكشاف صديق الجميع وأخ لكل كشاف!
أخي الكشاف،
بضعة أسابيع مضت وما لتقينا من وقت الرالي يلّي جمعنا و 3000 كشاف وكشافة. ما فينا ننسى الفرح والمغامرة في كل نشاط قمنا به.
الرالي ما بيتنظّم كل سنة، هو يلّي سمحلك أن تعيش أوقات سعيدة وما بتنّسا بجانب إخوتك.
أكيد ما بتنقصك الرغبة لخلق روابط صداقة مع كشافة التقيتهم لمدة اربعة أيام.
وهيدا تحدّي لإلك! إذا لو أد ما كنت قريب، ما قدرت تتقرّب من خيّ لإلك وتكتشفو كفاية، مع إنّو كمان بينتمي لعيلة كشافة لبنان الكبيرة، هل بتقدر تعمل هالشي حتى لو فرّقتكن المسافة؟ ولو أدّ ما كانت هالمسافة؟
1. لازم إنت وطليعتك تبنو علاقة مع طليعة تانية من قضاء تاني. كلّ التفاصيل رح توصلّك من قائد فرقتك من هلأ لنهار 17 تشرين الثاني 2008.
2. تلات مراسلات رح تصير بيناتكم:
أ. المراسلة ألأولى: قبل 29 كانون الثاني: تقديم المركز،
الفرقة،الطليعة، عاداتكن بالفوج أو الفرقة... وتلخيص
النشاطات يلليقمتو فيا خلال هالفترة.
ب. المراسلة التانية: قبل 30 نيسان تقديم المنطقة، الإعلان
عن عمل يدوي وعن لعبة معينة، وتلخيص النشاطات يللي قمتو
فيا خلال هالفترة.
ت. المراسلة التالتة: قبل 13 آب: الإعلان عن تجهيز
(Installation)، غنيّة، وغنيّة قصيرة، وتلخيص النشاطات
يلّي قمتو فيا هالفترة مع تقديم تذكار.
3. رح تنقّي مع طليعتك "طريقة التعبير يلّي بتناسبكن أكتر شي
(فيديو، كُتيِّب، مونتاج...)
4. المفضّل إنو كل مراسلة تكون ب طريقة مختلفة عن التانية.
5. وبس تخلّص مع طليعتك تحضير كل شي بدكن تبعتو، قدِّمُن لقائد
الفرقة يلي رح يوصلن عل المركز الرئيسي لكشافة لبنان
(Quartier Général) أو، ل مفوض فرقة الكشافة بمنطقتك.
رح يتم تحضير زاوية بالمركز الرئيسي خاصة برسايل الطليعة.
يللا شو ناطر! إجا دورك تتلعب، تكون خلاّق، وتفرجي أحسن ما عند طليعتك... والأهم، تتعمل عقد صداقة مع إخوتك بالجمعية!
منشوفك قريبًا!
فرع الكشافة
