كلمتين عن فوجنا

مرحبا وأهلا وسهلا فيكن على بلوك فوج مار رافائيل.

ولد فوجنا بعيد الميلاد سنة ٢٠٠٦. أخدنا إسم مار رافائيل شفيع كاتدرائية أبرشيتنا الكلدانية بلبنان.

هدف فوجنا هوي خدمة كنيستنا الكلدانية على مستويين:

۱- تدريب شبيبة كنيستنا على نوعية حياة أفضل من خلال الحياة الكشفية.

٢- جمع الشبيبة اللبنانية مع الشبيبة العراقية حتى ينمو سوى ويقوّو بين بعضن روابط الإخوة والصداقة وحتى يقدرو الشباب العراقيي يستفيدو من فرص التقدم الشخصي يللي بتقدّما الحياة الكشفية.

        لليوم فوجنا بيتألف من أكترية من الشباب المسيحيي الكلدان. بس نحنا عا طول منفتحين لكل الأشخاص يللي بحبو ينضمو إلنا ويعيشو معنا مغامرة الحياة الكشفية المسيحية من دون أي تمييز عنصري أو ديني. بهالطريقة نحنا أمينين لتقليد كشفي كاتوليكي كبير و لروحية جمعية كشافة لبنان يللي مننتمي إلا.

        بالوقت الحاضر فوجنا بيتألف من وحدتين:

۱- فرقة مار ميخائيل للكشافة بتتكون من ۱٨ كشاف موزعين على طليعتين: طليعة "Léopards Agiles" وطليعة "Requins Féroces". قيادة الفرقة بتتألف من القائد أبونا جوزف ملكون الملقب "Léopard Enthousiaste" ومساعدو رامي كنعان الملقب "Jaguarundi Responsable"

٢- قطيع مار جبرائيل للجراميز بيتألف من ٨ جراميز مع قائدتن ساندي كرياكوس ومساعدتا ماتيلدا كرياكوس

أبونا جوزف ملكون خوري الرعية هو مستلم قيادة الفوج وقيادة الفرقة بيساعدو على مستوى الفوج جورج سعدو يللي مستلم مسؤولية العدّة.

من سنتين لليوم فرقة مار ميخائيل صارت عاملي مخيمين ميلاد، مخيمين فصح ومخيمين صيف. و متوأمة مع فرقة troisième meudon من جمعية كشافة إوروبا، Scouts d'Europe.

هيدا كل شي بالوقت الحاضر منتأمل إنو بالمستقبل نقدر نغني البلوك بأخبار جديدة عنا وعن نشاطاتنا.

تحية كشفية... ومنشوفكن قريبًا!