CPعشر نصايح لل

1- كون أول الواصلين وبلّش الإجتماع من دون ما تنطر يللي تأخَّرو وكون إنتا ومساعدك آخر ناس بيفلّو.

2- خلي يكون كل إجتماع جديد إذا مش عا صعيد الفحوى عل القليلي خليه يكون جديد بشكلو، يللي ما بيتقدم بيتراجع!

3- ما تعطي أوامر، حمِّس، بدل ما تقول: يللا عملوا هيك، قول: يللا شباب خلينا نعمل هيك...

4- ودايمًا دايمًا فرجي شبابك شو بيفيدن يللي تعللمو.

5- خلي يكون دايمًا برنامجك محضّر ومكتوب بترتيب معك وكمان خلي دايمًا يكون معك إحتياط من النشاطات والألعاب حتى تعبّي أوقات الفراغ المفاجئة.

6- قدر الإمكان، دبِّر نشاطات بالطبيعة. الكشفية بتنعاش بقلب الطبيعة مش بين أربع حيطان اللوكال !

7- خلي يكون دايمًا في لعبة أو وقت فرفشة حتى شبابك يفشّو خلقن ويرفهوا.

8- شجع شبابك تا يكون كل واحد عندو تخصص معين: عقد، أغاني، بوصلة، مورس... وخللي كل صاحب إختصاص يعلم البقوي بس تأكد من أنو كل واحد منن بيعرف منيح يللي رح يعلمو لغيرو. 

9- إذا بدك تنجح دايمًا عمول كل شي من خلال لعبة: مورس، عقد، إسعافات أولية... وببداية كل لعبة خللي يكون في قصة أو فكرة مغامرة.

10- شايفن نعسانين أو زهقانين؟ بسرعة حمسن بغنية أو صرخة أو هيصة...